Pətsʉ́ʼcáʼ Kenyá wə́ dáʼtə́ wɔ́kpə páʼ pû ŋkwe gʉ̂m bwɔʼ pú a pótsə̂ tətʉɔŋkáp lə. Páʼ bwɔʼ tə̂ sə́ mtsiʼnyə e lə nə́ŋ bə́ jwényə́ teʼ yə á gɔ ghə é hwítə́ á, e yɔ̂gǒʼ dəm nàm. A pûŋ gaə́ pú ták gʉ́m tsʉʼ hwítə̀. Pû ŋkwɔ́ʼ gʉ́m shyá thə́ láʼ mbǎpdə́m pə́ ŋkó dyə́, bwɔʼ pə́ nyə a cʉ́mtə sí. Páʼ mthə́ fíŋ nə́ lə́mtə pǒ mbwɔʼ á, po tó mkamkam lɔ́pa bíŋ shɛ gwɛ́ nə́ nɔ́ mthə́. Po píŋ saʼtə dyə̂ mthə́ myə ǎ bə́ŋ gʉ̂m bwɔʼ. Ntɔ̌k mɔ pú a shə́ fíŋ nə́ cəŋtə ŋkwítə́ wɔ́ nə́ nə̂ŋ mbwɔʼ, yə á bə́ wə́ díláʼ jɔ́m bíŋ bə́ gɔ́ há ŋkáp bí po lə.