Ngipitesio ngulu kiyokiyet ngikokoroi engaleete
Ngakipi nguna matan nguna engoriaka, angorianut aneni iboyoto ngikokoroi, ka akimuj ngina ngiyokino inges eyauni ngidekesio lokokoroi. Kitesegu neni iyengeta ngikokoroi ka tolema ngacin ka akimuj ngina emunaara angina kolongit. Ipedori iyong akitesegun ngakipi nguna matan ke ekitoi angolo enyaritai tumerik kori potassium permanganate. Kitan ngikokoroi ka akimuj angina egelegelia. Kiyatak ekitungurusum kori ekitunguru edio nakimuj akitogogongio ngaakot. Ngakwii angikito angulu adwarak ikec ikingarakinete akiretakin ngikur alokokoroi. Toar ngikur alokokoroi angakile ke epaipai, ekitoi ngolo enyaritai betel kori ngapoco ke ekibonite. Kiyatak calcium lokokoroi ka ainakin ngamucungai ngadi kori akiriaar ngapoco angabeyei. Kinenek atokot angakwii angikito angulu aurok kai angikokoroi akiritaria ngikur ngulu alokinga.
